ەلباسىنىڭ «قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ» اتتى جاڭا جولداۋى xالىق تاراپىنان وزگەشە قولداۋعا يە بولعانى ءسوزسىز. سەبەبى بۇل جولعى كوتەرىلگەن ماسەلەلەر دە قازاقستاندا ءومىر ءسۇرىپ جاتقان ازاماتتاردىڭ قاراپايىم ءوز اۋلاسىندا سپورتپەن شۇعىلدانۋىنان باستاپ قاۋىپسىزدىگىنە دەيىنگى سۇراقتاردى قامتىدى.
بيۋدجەتتىك قىزمەتكەرلەر مەن ۇستازدارىمىزعا ارنالعان باستامالار بۇگىنگى قوعامعا قاجەتتى وزگەرىستەردىڭ ءبىرى دە بىرەگەيى, بۇل تاپسىرمالاردى ەلباسى جەكە نازارىنا الدى. «تابىسىڭنىڭ وسكەنىن قالاساڭ, ەڭبەكقور بولۋىڭ قاجەت!» - دەپ, ەلباسىنىڭ دايەكسوزىن كەلتىرگىم كەلەدى. سەبەبى, ۇلت اراسىندا ەڭبەكقورلىقتى دارىپتەۋ ماڭىزدى. قوعامنىڭ ءار ازاماتى ءوز جۇمىسىن ەلىمىزدىڭ دامۋىنا اپارار ماڭىزدى ءىستىڭ بولىگى دەپ بىلسە, زايىرلى مەملەكەت رەتىندە كوزدەگەن ماقساتتارىمىز الىس ەمەس. ەلباسىنىڭ حالىققا جولداۋى – تالىمگەردىڭ وقۋشىعا دەگەن اقىلى, جاتتىقتىرۋشىنىڭ سپورتشىعا دەگەن باعىتى, اكەنىڭ بالاسىنا وسيەتى. ياعني, قازاقستاندىقتاردىڭ ءال-اۋقاتىنىڭ ءوسۋ الگوريتمى جولداۋدا انىق كورسەتىلگەن, باستىسى – ونى دۇرىس ورىنداۋ.
ەلباسىنىڭ جاستاردى ەرەكشە اتاپ ءوتۋى, جاستاردىڭ بويىندا جاۋاپكەرشىلىكتى ارتتىرادى. جاۋاپكەرشىلىكتى الۋ — دىتتەگەن ماقساتقا قول جەتكىزۋ ءۇشىن بارىنە دە دايىن بولۋ دەگەندى بىلدىرەدى. جاستارعا ارتىلعان سەنىم مەن جاڭا مۇمكىندىكتەر ءۇشىن العىس بىلدىرەمىز!
دانيار سۇندەتباەۆ,
«جاس وتان» جاستار قاناتىنىڭ توراعاسى
